Hvað er fullt hús matar?

nýtt blogg

2008-04-28T18:21:00.002Z

ég er komin með svo flotta síðu kommunan.is/erla að vísu kann ég ekki að setja inn tengla, athugasemdakerfið virkar ekki en hún er bleik:)

Ráðherrann

2008-04-28T13:28:00.002Z

mig dreymdi í nótt að ráðherrann með flottu röddina væri með fund heima hjá mér ásamt ungum jafnaðarmönnum á meðan á fundinum stóð bloggaði ég o.m.g. hann er heima hjá mér ekki laust við geðshræringu.

Helgin

2008-04-15T16:36:00.004Z

ég á djamminu að taka myndir!

mjög hress ásamt fleirum

ég er svooooooooo góð að taka myndir

mig langar svo í nýja diskinn með páli óskari!!

Á ferð og flugi

2008-03-13T19:53:00.005Z

síðasta tíminn í dag í æfingukennslunna og ég get ekki beðið eftir að fara suður, æfingakennarinn sagði að ég hefði staðið mig glimdrandi vel en krakkarnir kvörtuðu undan því að ég var ekki með á hreinu hvenær pásurnar voru átti það til að fara fram yfir tímann. Ég mun leggja af stað eldsnemma í fyrramálið suður og svo er stefnan sett á útlandið, skotland nánara tiltekið þar sem bjórinn verður án efa drukkinn og kíkt á Guðnýju, ég er búin að lofa að dröslast með páskaegg með mér, Finnur er fullur efasemda um að okkur takist að koma því óbrotnu til hennar, en ég er full bjartsýni auk þess sem ég held að það gerir ekkert til þó það brotni.

ég mæli annars með þessari grein þar sem tekið er saman hversu fáranlega miklum peningum við ætlum að eyða í hermál (fyrir ykkur sem hafið takmarkaðan áhuga á að lesa um þetta en eru óhemju forvitin þá getið þið séð mynd af viðhenginu mínu), á sama tíma er tollgæslunni gert að draga saman seglin.

fyrir ykkur sem ofbýður ástandið í Írak eru mótmæli á laugardaginn Stríðinu verður að linna

2008-03-04T15:39:00.002Z

Það er óvenju margt sem hefur komið mér óvart síðustu daga líkt og

það er búið að breyta í kaupfélaginu heima, ég lenti í stökustu vandræðum með að finna það sem ég ætlaði að kaupa, EKKERT var á sínum stað.

Það er drullu langt til Akureyrar, ég hef aldrei keyrt í einum rikk frá reykjavík til akureyrar og djöfull er langt þangað...

sjá Steinunni í MA-fíling

hitta Sonju og manninn hennar sem getur gert slef-sápukúlur

að heyra heimspekinginn syngja (hræðilegt í einu orði sagt) ég verð alltaf jafn hissa þegar ég heyri hvað fólk getur í raun og veru sungið illa og verð enn staðfastari í því að hefja ekki upp söngraust mína á almannafæri

en það sem kom mér ekki óvart að ég er ekki enn búin að fá nýju fínu síðuna mína sem mér var lofað fyrir nokkru og ég mun gráta mig í svefn þangað til að hún verður að veruleika

Meðleigjandinn

2008-02-27T12:29:00.002Z

Það hefur sína kosti að hafa meðleigjanda, fyrir stuttu síðan bættist við einn heimilsmeðlimur á laugarveginn. Í ekki stærri íbúð krefst þetta nokkra skipulagningu og samkomulags um hver fái að sofa í íbúðinni hverju sinni. Við erum bæði svo heppin að eiga athvarf hjá öðrum þannig að þetta gengur yfirleitt upp. Í dag þegar ég staulaðist heim í morgun var komin motta fyrir framan hurðinni og inni. Ekki vanþörf á, motturnar eru í stíl og nokkuð smekklegar auk þess keypti meðleigjandinn millistykki þannig að við getum setið á móti hvort öðrum við eldhúsborðið í sitthvorri tölvunni.

Ég launaði honum svo viðvikið með að borða frá honum brauðið...

2008-02-19T19:50:00.005Z

Þetta er orðið ögn vandræðalegt
Í haust fór ég í miðnefnd SHA Samtök hernaðarandstæðinga, í daglegu tali er oft talað um SHA en ég komandi frá dósinni segi trekk í trekk SAH sem er fyrirtæki heima á blósinni og er búin að segja SAH í nokkuð mörg ár og er búin að eiga í nokkrum erfiðleikum með að venja mig af því. SAH stendur annars fyrir Sölufélag Austur Húnventinga já og það er sláturhús bæjarins.......

en ef þú hefur ekki mikið fyrir stafni næsta fimmtudagskvöld þá er nýliða-ungliðakvöld hjá SHA

Rödd skynseminnar

2008-02-07T15:06:00.000Z

Rödd skynseminnar (ég): kannski er það sniðug hugmynd að skilja bílinn eftir heima í dag, bílinn minn er ekki sá besti í snjó.

Sá umhverfisvæni: er það? er það ekki alger óþarfi

Rödd skynseminnar: kannski ég nenni bara ekki að vera að vesenast á bílinum þegar færðin er svona þá er svo miklu einfaldara að taka strætó.

Sá umhverfisvæni: já, já eigum við ekki samt að fara á bílnum?
Rödd skynseminnar: jæja þá það er sjálfsagt ekkert vesen.

Vesen nei ekkert vesen. Það er ekkert vesen að keyra bíl sem er svo lágt undir að hann hlunkast yfir smá föl og á í miklum erfiðleikum með að fara yfir smá hossur, það er ekkert vesen að láta keyra utan í bílin þinn og ripsa hann á hliðinni, það er ekkert vesen að þurfa að keyra um og skima eftir bílastæði og geta ekki keyrt inni í þau af því að það er svo lágt undir bílnum þínum, það er ekkert vesen að enda á því að keyra upp í Norðlingaholt (sem er á mörkum hins byggilega heims af því hvergi er hægt að leggja, koma upp í Norðlingaholt og leggja frekar langt frá húsinu sem þú ætlar þér í, þannig að þú þarft að fara fyrir bílastæði sem er fullt fullt af snjó og ert klædd í kápu og strigaskó.

Nei ekkert vesen, ég er svo fegin að hafa farið á bílnum og ekki tekið strætó þar sem það hefði verið VESEN!!

ástarsýki...

2008-02-05T23:00:00.000Z

þegar þú ferð á kaffishús með vinkonu þinni og tekst að tala um sæta og klára kærastann þinn í annarri hvorri setningu og er samræðurnar snúast ekki um hann þá tekst þér að leiða talið að honum.

þér finnst ekkert athugunarvert að vera næstum í sleik frammi fyrir foreldra þína

þú ert orðin væmin, gengur um sælubros og átt mjög erfitt með að skilja af hverju pör rífast

sólarhringsaðskilnaður jafnast á við mánuð og þú hlustar af athygli þegar hann útskýrir hvað megapixlar eru og hvernig sjónvarpsútsendingar og hver munurinn er á flatskjá og túbusjónvarpi.

Hann hefur ekki enn heyrt þig ropa af fullum krafti

Smjattpattar

2008-01-31T13:45:00.000Z

hvað í ósköpum fær fólk til að japla á matnum sínum í hljóðlátu lesstofunni, það er líkt og sprengingum rigni yfir okkur þegar bölvaði smjattpjatti tekur sér enn eina kexköku til að troða upp í sig.

Einhver partý eru búin að vera í janúar á laugaveginu, langskemmtilegasta var þegar stelpurnar frá (kræst hvað er málið með þessa gellu, hættu að éta skömmin þín) dósinni hittust, til marks um hversu virðulegar eða gamlar við erum orðnar þá erum við búnar að ná þeim tímapunkti að geta talað um ár þegar rætt er hversu langt er síðan við sáumst síðast en ekki dagar eins og þegar við vorum á blósinni.

áhugaverðsti hittingurinn var þegar (öfga) feministarnir komu til að ræða um hvað þær eru öfgafullur og lögðu á ráðin um að bæla niður karlkynið...... Kannski ekki alveg...
gaman samt sem áður þó tilefnið væri mun hófsamara (hversu mikið kex getur ein manneskja innbyrt)

Snjórinn

2008-01-28T16:35:00.000Z

ég elska þegar er snjór að vísu eilítið pirrandi þegar hann er að fara en svo notalegt þegar hann er. Það jafnast fátt á við drullu brúnan salt/sand snjó

2008-01-27T18:34:00.000Z

Ég er í tilvistarkreppu

Stjörnuspáin

2008-01-21T22:48:00.000Z

Í stjórnuspá minni sem ég las um daginn stóð að ég myndi svífa um á rauðu ský og vanrækja vini mína fyrir vikið. Það hefur nokkurn veginn ræst þar sem ég steingleymdi síðasta sunnudag að ég átti að vera í hófi að hitta nokkrar píur en í stað lá ég bara í leti, horfandi á landsleikinn, ekki alveg nógu gott!

Helgin var samt frábær ég fór á fjöruborðið á fimmtudagskvöld og guð minn góður hvað maturinn er góður þar, ég fæ vatn í munninn í hvert skipti sem ég hugsa um það en á föstudagskvöldið hitti ég gömlu vinkonur mínar frá dósinni og ég held í alvörunni að við höfum ekki hist allar saman í ansi mörg ár.

Ég er byrjuð að verða ansi þreytt á þessu myrki og þó að borgarstjórnin leggi sig alla fram um að láta stórtíðindi koma reglulega til að láta okkur til að tala um þá vil ég fá aðeins meira ljós.

Rútínan enn á ný

2008-01-10T16:07:00.000Z

Eftir næstum mánaðarjólafrí þá er komið að rútínunni enn og aftur (sem er að vísu orðin kærkomin eftir svona langt frí). Árámótunum var í fyrsta skipti eytt í Reykjavík og hafði ég miklar væntingar til allra flugeldana. Vonbrigðin urðu því mikil þegar kom að sjálfu gamlárskvöldinu því lítið sást út af veðrinu en þeim mun meira heyrðist. Hávaðinn er ekki það sem er heillandi við flugelda heldur ljósin að mínu mati og fannst mér pínu súrt að fá bara hávaðann en ekki ljósadýrðina. En kvöldið var samt gott þrátt fyrir að lítið hafi farið fyrir kjötáti.

Skólinn byrjaður aftur og hef ég ekki enn komið því á framfæri þá er KHí svo mikill prump-skóli ég er að vísu í einum kúrsi sem lítur út fyrir að vera ágætur en hinir tveir sérstaklega annar lofar ekki góðu. Þoli ekki þennan bjána skóla, háskóli my ass.

Jólatossalistinn

2007-12-17T15:23:00.000Z

er að verða svo stuttur, kláraði jólakortin í dag og um helmingur þeirra er alveg sérlega glæsileg því Jenný Rebba (lijubarn) sá um að myndskreyta kortin, mjög flott ég er að vísu ekki sú besta að skrifa á kortin því hendin þreytist pínu á skrifum þannig að fyrstu jólakortin er með einhverjum skemmtilegum kveðjum en er leið á varð þetta mjög hnitmiðað og stutt... gleðileg jól, jólakveðja Erla.

ég er samt að bilast á þessari rigningu, það er nákvæmlega ekkert jólalegt að hafa rok og bleytu og meiri bleytu en ég er að vísu komin með JÓLADISKINN sem er ófáanlegur í skífubúðunum en óprúttinn aðili náði í hann fyrir mig af netinu og brenndi hann.

Stefnan svo tekin norður í vikunni.

Jólaundirbúiningur

2007-12-12T23:31:00.000Z

ég er búin að setja mér nokkur háleit markmið í þessu jólafrí

1. skrifa jólakort og setja í póst
2. hitta guðný ebbu áður en hún fer af landi brott
3. .......

er ekki komin lengra enda held ég að það sé betra að setja sér sér raunhæf markmið. Einu sinni var ég mjög mikið fyrir að gera jólakort og sendi alltaf heilan helling en þetta hefur dalað mjög mikið síðustu ár og hef ég varla sent jólakort síðustu ár. Kannski er málið að kíkja á Helgu jólakortagerðadrottninguna og athuga hvort árangur verði kannski betri í ár í framleiðslunni.

oh hvað ég vona annars að þessi rigning fari að hætta.

Myndirnar mínar!!!

2007-12-12T23:19:00.000Z

eins og það er þægilegt að eiga digital myndavél þá tekst mér ALLTAF að gera einhvern óskundan þegar ég hleð þeim inn á tölvuna mína, í þetta skipti tókst mér að láta tvær möppur fullar af skemmtilegum myndum hverfa, já hverfa og ég hef ekki hugmynd um hvað ég gerði, þær fóru ekki í ruslið og ég veit ekki hvað ég á að gera næst nema að herja á fólk með meiri tölvukunnáttu en ég og athuga hvort þau geti bjargað málunum.

Komin í jólafrí er búin að vera í fríi í 5 daga. Verð að vísu að viðurkenna að jólafríið hefur ekki staðið undir væntingum hingað til er búin að eyða nær öllum jólafrísdögunum í leiðindavesen og er ekki búin enn, morgundagurinn er einnig helgaður leiðindahlutum. En þið prófþreytta fólk þá veit ég að þið hafið það miklu verra:)

nóvember er annars búin að vera ágætur mánuður til að drekka hér er ég og sunna með Lundgren sem er víst einn af heitari mönnum sem láta sjá sig á börum borgarinnar. Já það hefur lítið farið fyrir heilbrigðum lífstíl þessa önnina, var að með miklar hugmyndir um að þegar ég kæmi í jólafrí þá yrði brett upp ermarnar og lifað á baunum og annarri hollustu og sundhallir borgarinnar sóttir stíft, það er enn á hugmyndastiginu....

Væl og grenj

2007-11-22T13:39:00.000Z

Aðaltilgangur bloggs er auðvita til að barma sér, kvarta og kveina!!

Ég er búin að vera með hálsbólgu alla vikuna, það rennur stanslaust úr nefinu á mér (flott, já mjög flott), mér er illt í helvítist löppinni (að sjálfsögðu hægri, allt slæmt sem kemur frá hægri), hendin á mér er að fara að komast á það stig að neita að pikka meira og í öllu þessu endemis volæði er ég búin að gera verkefni (sem er reyndar mjög skemmtilegt) EN já þetta er kvart og kvein blogg vantar mikilvæg gögn til að geta gert þetta nógu vel OG síðan á ég eftir að baka muffins fyrir tímann á morgun.

afmælisbarn dagsins fær samt sem áður afmæliskveðju og laufey hamingjuóskir með litlu skvísuna sína sem er ógurlega mikil dúlla allavegana af myndunum að dæma.

ég get ekki beðið eftir föstudeginu þá mun ég halla mér að gin-flöskunni sem fulla uppastelpan skildi eftir um síðustu helgina og ..............(þið megið fylla upp í eyðuna)

en allt fór vel að lokum

2007-11-14T20:44:00.000Z

eftir að hafa grenjað út i-pod af nýjustu tækni af ungmenni hér í bæ var lítið mál að taka upp og kræst hvað þetta er miklu, miklu, miklu þægilegra að taka viðtöl með i-talk heldur en þessum bölvuðum upptökutækjum, á að vísu eftir að finna út hvernig ég kem þessum gögnum í blessaða tölvuna!

það er svo fínt samt að vera hér á blósinni
þarf ekki að ákveða hvað er í matinn né að elda hann (ekki að það fari mikið fyrir eldamennskunni)

bílinn getur verið ólæstur allan sólarhringinn sem er FRÁBÆRT þegar kona er með læsingar sem láta illa að stjórn.

það er hægt að skilja bílinn eftir í gangi (ég veit að það er ekki það umhverfisvænasta í geiminum) en það er svoooo þægilegt þegar frost er á morgnana og konan ekki nennt að skafa almennilega

fullt af "uppbyggilegu" lesefni

og það er svo stutt á milli staða til dæmis í morgun þurfti að mæta kl:10 fór út eitthvað um hálf tíu, fór í byggjó, í vinnuna til mömmu og mætti samt 10 mínútum fyrir.

og það flæðir allt í dagblöðum hérna á mýrarbrautinni meira að segja er boðið upp á DV.

Fnæs og arg!!!

2007-11-13T23:54:00.000Z

Búin að keyra norður til að taka viðtöl

ákveðin búnaður sem kallast upptökutæki er víst nauðsynlegur til að það gangi upp
á eitt þannig en þar sem ég er víst alltaf eitthvað endalaust að flytja og dótið mitt í kössum um allan bæ hef ég ekki glóru hvar það er niðurkomið

þannig að ég fékk lánað upptökutæki, pikkaði það upp á leiðinni norður fékk í staðinn italk sem er mjög sniðugt, á að vísu ekki i-pod en vissi að ég gat fengið eitt stykki þannig lánað á dósinni

fékk i-podinn í hendur seint í kvöld, hlóð hann og ákvað svo að prufa hvort að þetta virkaði örugglega ekki. Þetta virkaði ekki EN ég var samt ekkert að stressa mig á því þar sem ég er ekkert sérstaklega lungin við tæki, hringdi ég til að afla mér upplýsinga en kom að tómum kofa, leitaði þá á náðir netsins til að sjá hvort ég finndi eitthvað þar sem gæti hjálpað mér. Fann upplýsingarnar til þess eins að finna út að fína tækið virkar EKKI í akkúrat i-podinum sem ég held á því hann er víst ekki annara kynslóðar i-podnano.

Klukkan er núna 12, ég fer í viðtalið kl 10 á morgun (eða í dag), búðin já búðin (því það er bara ein búð á blósinni sem selur tölvudót og tengt því)opnar ekki fyrr en klukkan 13 sem er þremur tímum eftir að viðtalið hefst.

Möguleikar mínir eru því takmarkaðir:
ég get leitað vonlausri leit að diktafóninum mínum hér heima og niðri á Ægisbraut, leit sem sjálfsagt mun ekki bera árangur

ég get skundað í Byggjó og athugað hvort þau eigi diktafón til þar

ég gæti keyrt í loftköstum yfir Þverárfjallið til að tékka á því hvort það sé til í Skaffó (þessi er samt svo hæpinn að þetta er eiginlega ekki möguleiki)

ég get farið með eldgamla kasettutækið sem ég og Gummi áttum og er út í bílskúr og skellt kassettu í tækið, farið með í viðtalið og skellt á upptöku.

Sunnudagar eru svo dásamlegir

2007-11-04T16:53:00.000Z

vaknaði að vísu alltof snemma miðað við sunnudag

er búin að hlusta á Hugrúnu láta ljós sitt skína í kópavogskirkju ásamt fleira kórafólki, fékk að vísu smá guðsorð með en það slapp

éta heilan kexpakka af Uppáhaldskexinu mínu

og búin að uppgvöta að það sé 4. nóvember í dag arg! þarf víst að klára eitthvað sem tengist þessum blessaða skóla í dag, veit ekki af hverju en mér fannst eins og það væri mjög langt í 5. nóv....

og dagurinn er bara hálfnaður jei:)

Semí útskrifuð!

2007-10-30T22:53:00.000Z

ég var svona semí-útskrifuð frá lækninum mínum hér eftir þarf ég einungis að mæta á ársfresti til hans. þetta er svo magnað að ná þessu er að vísu ekki orðin "alheilbrigð" og enn hrjáir mig almennur ræfils og skakkalappadómur en ég er alla vegana skömminni skárri en ég var.

Annað kvöld

2007-10-26T16:48:00.000Z

er fræknu og frændahittingur í grafarvoginu að vísu án kvennanna sem sáu til þess að það væri fræðilegur möguleiki að hittast

Við höfum ekki oft hitst án þeirra

í eitt skipti endaði ég ælandi inn á baðherbergi þar sem kasólétt frænka stumraði yfir

annað skipti fórum við á players, PLAYERS það var að vísu gaman en samt players!

veit ekki hvernig þetta endar annað kvöld...

ó, þessir mánudagar!

2007-10-21T23:13:00.000Z

koma alltaf og minna konu á að hún hefði kannski átt að eyða helginni við að klára verkefnin sem á að skila í þessari viku en ég held samt að það hefði verið mun minna ánægjulegt að eyða helginni í verkefnavinnu æi reddast þetta ekki alltaf...

eitthvað verið að plana norðurför á næstunni en veit ekki alveg hvað verður, "mikilvægt" fjölskyldu partý sem þarf að mæta í um næstu helgi. Það er að vísu aðeins farið að rifjast upp fyrir mér vankantar drykkju sem ég var svo algjörlega búin að gleyma þegar ég var ekkert að drekka, þynnkan er ekkert sérstaklega skemmtileg. hún var það ekki þá og hún er það ekki núna.

-----------------
Markmiðsetning er mjög mikilvæg í kennslu en hún gagnast einnig í daglegu lífi. Ég held að það sé ár síðan ég bloggaði um að takmarkið væri að stíga fæti inn á íslenskt safn. Takmarkinu var náð um helgina en það er kannski spurning um að setja tímamörk á markmiðin til að þau komist kannski fyrr til framkvæmda.

2007-10-18T13:53:00.000Z

Það virðist vera meginþema hjá mér þessa dagana að vera óumræðinlega þreytt yfir daginn. Ég held að það sé kominn tími til og fara að venja mig á að drekka kaffi, svo ég geti síðan seinna meir kvartað yfir brjóstsviða og magasári!

Einn helsti kosturinn við nýja íverustaðinn minn er að það er vonlaust að kvarta yfir hávaða frá íbúðinni minni um helgar, helvítis kaffisetrið sér um að hávaðamenga allt húsið þannig að það munar ekkert um það ef aukahávaði berst frá íbúðinni minni. Tilraun verður gerð annað kvöld að skapa smá hávaða....

maðurinn..

2007-10-16T14:59:00.000Z

Mikið er ég komin með leið á að vera alltaf að tala um sjálfan mig í karlkyni, lesa greinar um kvk í karlkyni og hlusta á mig og aðrar kvk alltaf tala um okkur í karlkyni.

Pirrings orðið þessa dagana er nemandinn, ég fæ grænar af því að tala um þá nemendur, þeir og svo framvegis. ég veit að það er málfræðilega rétt en þetta gerir að verkum að allavegana ég hugsa aðallega um kk þrátt fyrir að verið sé að tala um bæði kynin. Eins orðið hjúkrunarfræðingar sem upp til hópa eru kvenkyns mér finnst hjákátlegt að tala síðan um þá og "þeir eru orðnir langþreyttir á ástandinu.." og bla, bla, bla.

já ég veit að konur eru líka menn en menn eru líka konur

2007-10-14T01:36:00.001Z

megi kaffisetrið fara til helvítis

einhverjar breytingar í loftinu

2007-10-13T13:28:00.000Z

ég er ekki frá því að hausinn á mér sé umvafinn rykskýi þessa dagana.

ég er ekki enn búin að halda teiti í nýju fínu íbúðinni, það er samt búið að drekka bjór í henni, Óli Tómas tók það sér, alltaf hægt að treysta á hann.

Dagarnir fara nú í það að skrapa saman krónum til að hægt sé að fara í heimsókn til útlanda, væri kannski gott að ráð að leggja hvíta krabbameinsvaldandi pakkanum á hilluna til að ná því en bara kannski

Mér finnst dagurinn í dag svooooooo mikið svindl kíkti út í gær, fór snemma byrjaði snemma að drekka, fór snemma heima (eða svona nokkuð snemma) til að vera eiturhress í dag og klára eitthvað leiðindaverkefni en svo vaknaði ég í morgun, ekki hress, smá þunn og ógurlega mygluð og þreytt, gæti verið vegna þess að ég varð líka snemma full.

2007-10-09T14:44:00.000Z

af einhverjum ástæðum þá á ég afskaplega erfitt með að læra í dag

og

ég þoli ekki þegar hringt er í mig úr "ekkert númer" ég verð alltaf svo sannfærð um að ég hafi misst af MIKILVÆGASTA símtalinu, að ég hafi misst af tækifærinu til að gera eitthvað mjög merkilegt eða að þetta hafi verið einhver mjög merkileg að hringja í mig.

Haleljúa

2007-10-01T17:10:00.000Z

netið er komið komið komið komið, eftir nokkuð mikið bras er ég nú lokst tengd netinu:)

komin með leið á fyrirsögnum

2007-09-26T11:14:00.000Z

ég var klukkutíma fyrr á ferðinni í dag heldur en vanalega í stað þess að eyða honum í lestur eyddi ég honum samviskusamlega í nethangs

ég er búin að horfa á símann í von og óvon um hann hringi til að hann trufli mig við lesturinn

ég er búin að stara á klukkuna síðan hún var 11 að bíða eftir að hún verði nógu margt til að ég geti farið í mat

ég skima stanslaust um hér á hlöðunni (og spring úr hlátri þegar ég fer á salernið þökk sé Þórhildi:) í leit að andlitum sem ég þekki til að getað spjallað

já ég þjáist af athyglisskorti ég er samt búin að vera harla afkastamikil, í alvörunni.

2007-09-25T10:13:00.000Z

Planið í dag er að lokka gullkálfinn af Rauðalæknum niður í bæ til að kíkja í kaffi hjá mér og jafnvel fá smá aðstoð við að setja upp netið. Kræst hvað það er pirrandi að hafa ekki netið heima hjá mér en enn leiðinlegra er að fá ekki blöðin heim til mín. ég hafði ekki gert mér grein fyrir hvað nauðsynlegt er að byrja daginn á lestri blaðanna.

En hvað varð um alla góðu læknana sem voru alltaf á læknavaktinni, þar sem ég er ekki með heimilislækni hér í bænum neyðist ég alltaf til að fara þangað. Hingað til hef ég verið nokkuð sátt, alltaf fengið þokkalega þjónustu en henni fer eitthvað dalandi. Ég hefði alveg eins látið einhvern kunningja kíkja á hálsinn á mér í gær
Ég: ér er búin að vera eitthvað slöpp og svo er ég byrjuð að vera dofin í tungunni
Læknir: já það er ekki eðlilegt
Ég: já ég veit þess vegna kom ég hingað
Læknir: já það er ekki eðlilegt
Ég: já ég veit
Læknir: það tengist samt ekki því að þú sért veik en þetta er mjög óeðlilegt
Ég: já en veistu eitthvað af hverju þetta gæti stafað
Læknir: já ég geri ekkert í þessu í kvöld en þetta er ekki vanalegt að tungan dofni
Ég: já...
Læknir: grípur fram í mér já var það eitthvað fleira, þetta er ekki eðlilegt en kvefið og hálsbólgan mun ganga yfir.

er sniðugt að djamma veik

2007-09-24T13:51:00.000Z

Nei það er ekki það gáfulegasta sem hægt er að gera

Niðri í bæ......

2007-09-22T12:54:00.000Z

ég lofa bót og betrun í blogginu þegar netið verður komið heima. ég loooofa.
margt búin að gerast síðan síðast,

Námið
Byrjuð í Kennsluréttindanáminu í kennó líst svona ágætlega á þetta. Er að vísu í fjarnámi sem er nýtt fyirr mér og það er ekki hægt að slugsast í fjarnámi eins og kom "örsjaldan" fyrir upp í HÍ. En það er mjög gaman að fá önnur sjónarhorn og nýja kennara að vísu eru verkefnin frekar glötuð en eru þau það ekki alltaf.

Pirringurinn
Er ekki í DK eins og planið stóð til, átti flug út á fimmtudaginn, (nei ég missti ekki af fluginu)og ætlaði að vera í tvær vikur þegar Ari hringdi og sagðist vera að fara til Alsír í tvær vikur akkúrat á þeim tíma sem ég átti að vera úti. Fúlt mjög fúlt. dótið mitt er ennþá úti og það stefnir í að ég fá þetta bévítans dót um jólin...

Óvæntasta
líkt og fleira gott fólk sem er komið upp á náð og miskun okurleigusala var ég komin með smá áhyggjur af því hvar ég ætti að vera í vetur en ég var svo ótrúlega heppin að ég fékk íbúð sem frekar ódýr í leigu, í miðbænum, með uppþvottavél og ógeðslega flott. Ég býð ykkur öllum í kaffi til mín í vetur (verðið að vísu að koma með kaffið með ykkur en ég á pressukönnu, sykur og mjólk).

Ferðasagan frá versta frí sem hægt er að fara í

2007-08-28T10:08:00.000Z

fór til Búlgaríu með Ara, fyrsta vikan gekk vel,sól og hiti, flatmagað á ströndinni, Istanbúl skoðuð og allt bara rosa skemmtilegt

svo

veiktist Ari og læknirinn sem skoðaði okkur keyrði okkur á borgarspítalann (sem er ríkisspítali og aðbúnaðurinn í samræmi við það)

vissum eiginlega ekki hvað var að honum eitthvað var honum illt í maganum
komum á sjúkrahúsið og ég fékk áfall við að sjá sjúkrahúsið. Ég hef aldrei á ævi minni séð eitthvað jafn ömurlegt og þetta sjúkrahús.

ég vildi fara af þessu sjúkrahúsi en nei ekki hægt því það var búið að tékka hann inn og þá vorum við bara föst þar, beið á bráðamóttökunni sem var hræðileg, salernin voru svo ógeðsleg að ég gat ekki hugsað mér að nota þau, með Ara hálf rænulausan af kvölum, skildum ekkert hvað var að gangi nema að einhver læknir benti á magann á honum og sagði á verstu ensku operratttion án þess að það væri eitthvað búið að skoða hann almennilega

biðum á ganginum, skildum ekki neitt hvað var í gangi, enginn talaði ensku og við tölum ekki búlgörsku svo kom einhver og fór með okkur annað og vissum ekkkert hvert væri verið aðfara með okkur en enduðum á skurðstofudeildinni þar sem aðbúnaðurinn var hræðilegur, enginnklósettpappír á salerninu, gólfin frekar skítug, rúmfötin með gömlum blóðblettum í og við höfðum ekki hugmynd um hvað væri að Ara né hvað væri verið að fara gera við hann

eftir tvo og hálfan sólarhring var svo farið með hann í rannsóknir og hann drifinn í aðgerð og við vorum varla að ná því hvað væri verið að fara að gera við hann en fengum að vita eftir að aðgerðin var búin að botnlanginn var tekinn hann hafði fengið þá botnlangabólgu en við vitum ekki hvort hann var sprunginn og við höldum að hann hefði líka verið með matareitrun og einhverja sýkingu

hann er allavegana í lagi núna og við komust til Íslands sem stóð ansi tæpt þannig að allt erí lagi núna en kræst hvað þetta var hræðileg vika sem ég vil aldrei aftur upplifa

Fuck Búlagaría

2007-08-28T10:00:00.000Z

montaði ég mig virkilega við einhvern um að ég væri að fara í sólina í Búlgaríu

ég ætla aldrei aldrei aftur að fara með Ara þangað

þetta var ekki ömurlegt þetta var eitthvað miklu miklu meira síðasta vika er búin að vera ein af hræðilegust vikum sem ég hef upplifað

ég og Ari komum til Íslands í gær og ég fór næstum því að grenja þegar ég kom heim til pabba ég var svo fegin að hafa komist heim frá Búlgaríu

Ferðasagan

2007-07-30T02:22:00.000Z

Þar sem styttist í næstu danaferð þá er ekki seinna vænna en að henda inn ferðasögunni.

Hafmeyjan var skoðuð
já hún var lítil líkt og var búið að vara mig við

Sverrir var heimsóttur til Lund

pínulítið hangið á ströndinni

kíkt á Gönza

aðeins borðað

lagði land undir fót á örugglega heitasta deginum, ég mæli engann veginn með því að hanga í lest á þannig dögum og fór einhvers staðar nálægt Sönneborg sem er alls enginn borg til að hitta Rannveigu frænku mínu og litla gaurinn hennar

fórum meðala annars til þýskalands (var reyndar bara í tvo tíma þar) og nenni ekki að setja inn fleirir myndir af því að þetta tekur ógeðslega langana tíma

Þetta var sko skrifað í gær

2007-07-25T01:04:00.000Z

eftir akkúrat viku þá verð ég í sleik á flugvellinum í Koben

Í dag eru bara

2007-07-21T01:58:00.000Z

10 dagar þangað til að ég fer aftur til baka og ég get ekki beðið

afmælisdagurinn kom og fór og missti sjálfsagt af mörgum símtölum og sms þar sem sim-kortið mitt er annaðhvort hjá Rúnari og Malin aravinum eða liggur einhvers staðar í reiðileysi á strætum Kaupmannahafnar.

ég fékk eina rós og næstum því aðra rós og súkkulaðiköku (sem er ein af þeim allra bestu) sem ferðaðist ekki nema 400 kílómetra til þess eins að láta borða sig þar sem Hafdís systir bakaði kökuna og gerði sér svo ekki lítið fyrir og keyrði kökuna á mýrarbrautina frá Egilstöðum og eina sólarlandaferð frá danamanninum

sólarlandaferðin er til Búlgaríu og ég er búin að monta mig af henni við nokkra en ég hugsa að hætti því nú þar sem ég las í Blaðinu í dag einhverjar horror sögur af fólki sem hefur farið þangað, lent í veseni og óþverra og Sunny beach sé einna verst en þangað er einmitt förinni heitið.

Mestu gleðifréttirnar eru þó án efa að það er búið að rigna eitthvað smá síðustu daga og í dag flytur Kristín Ingibjörg heim

Dagurinn í dag

2007-07-13T00:21:00.000Z

er dagurinn sem þið eigið öll að kommenta hjá mér því ég . ...... . ... (þið eigið að vita hvað á að standa þarna)

komin frá kóngsins köben sem var svooooooooooooo ljúft að vera í
---------------------------------------------------------------
hitti fullt af fólki sem ég hafði ekki séð lengi eins og

Gönza

Rannveigu frænku og litla kútinn hennar

Guðný Erlu og hennar kærasta

Elvu og hennar kærustu

Sverri Svíafara

Chris
-----------------------------------
fór til tveggja nýrra landa

Svíþjóðar (í einn dag)

og

Þýskalands (í nokkrar klukkustundir)

ferðaðist aðeins um Danmörk, fór til Sonneborg og Horsens og Arhus
----------------------------------------
og gerði ýmislegt fleira

kynnist nýju fólki sem ávalt er gaman
las nokkrar bækur meðan Ari var að vinna baki brotnu
drakk nokkra bjóra
flatmagaði aðeins á ströndinni áður en rigningaræðið byrjaði
spilaði kotru oft og mörgum sinnum
komst að því að ég er ekki góð í kubb
lærði ekki dönsku

Bjani vikunnar

2007-05-29T09:42:00.000Z

Flugid ut gekk eins og i søgu eda tannig

tegar eg kom ut a vøllinn a føstudagsmorguninn og aetladi ad tekka mig inn
ta sagdi konan umh hvad sagdiru aftur ad nafnid titt vaeri tad litur ut fyrir ad
tu sert ekki skrad i flug nuna.

ta hafdi flugid mitt verid kl:1 um nottina en ekki eitt um daginn eins og eg helt
tad stod a flugmidanum minum 01:00 og eg var buin ad veita tvi athygli en svo hugsadi
eg bara med mer neih tad er ekkert flogid a nottunni til Køben.

svo af tvi ad tad voru svo margir bjanar sem rugludust a tessu og tad var ekki
sens ad komast fyrr en daginn eftir en tetta reddadist ad lokum en eg held ad Ari hafi eitthvad efast um gafnafarid hja mer eda allavegana spad i tad hvort eg kunni ekki a klukku.

á morgun

2007-05-24T17:25:00.000Z

mun ég bruna á keflavíkurvöll
og fljúga til Danmörku

í dag er ég búin

að læsa lyklana mína inn í bílnum
lenda í hortugu og leiðingulegu afgreiðslufólki
horfa á Óla T borða hamborgara

en í kvöld

er ég búin að redda bílstjóra til að skutla mér í Norðlingaholti

svo ég geti

drukkið bjór með Auði

og

Guðný og Silju

ég hugsa að kvöldið eigi eftir að verða mjög skemmtilegt
en ég hlakka samt mjög til að fara á morgun

Sunnudagar...

2007-05-20T13:36:00.000Z

tæp vika þar til baunalandið tekur við...

mjög spennt

hlakka mikið til

en

er líka pínu stressuð

og smá kvíðin

en þetta verður örugglega mjög gaman vona ég
--------------

bruna samt suður á eftir og hlakka ógurlega til

Bjartdegis framkvæmdaleysi

2007-05-15T21:07:00.001Z

á meðan flestir fyllast eldmóði og fítonskrafti á vorin þegar fer að birta þá klikkar það ekki en á hverju einasta vori hellist yfir mig bjartdegis framkvæmdaleysi, ég verð að viðurkenna að ég hreinlega þoli ekki vorið, ég nenni engu, kem engu í verk og verð viðþolslaus að bíða eftir að sumarið kemur. En ég elska það aftur á móti þegar sumarið kemur loksins.

2007-05-15T21:07:00.000Z

Dagarnar fara hér á dósinni hafa að mestu farið í bið
bið eftir

að vita hvort ég hafi komist í skólann eða ekki

kosningunum

að hætta að vinna á árbakkanum til að geta farið suður

25. maí sem ég hlakka mikið mikið mikið til þegar hann rennur loksins upp

þjóðkirkjan, bara fyrir suma ekki alla

2007-05-07T19:49:00.000Z

kom því loksins í verk að segja mig úr þjóðkirkjunni þökk sé fótgönguliðum vantrúar, hef íhugað þetta um nokkurt skeið og var eiginlega komin á þá skoðun að vera í þjóðkirkjunni en ég get ekki undir nokkrum kringumstæðum verið meðlimur í trúfélagi sem telur sig umkominn að velja úr og meinað samkynhneigðum um að giftast maka sínum. Síðast þegar ég vissi er bannað með lögum að mismuna fólki vegna trúarbragða, kyns, fötlunar, kynhneigðar og svo framvegis.

annars er ég loksins komin með myspace, um að gera að hverfa í netheimana þegar ég dúsa hérna á dósinni, Tom er besti vinurinn minn í augnablikinu, vilt þú vera vinur minn?

Lögmálið sem klikkar aldrei, aldrei

2007-05-06T13:58:00.000Z

ég kaupi stundum í Lottó vinn aldrei, hef tekið þátt í happdrætti vinn sjaldnast, spilað bingó en ekki orðið ríkari af því. En þegar ég strunsa í búðina í druslu fötum til þess að kaupa tannbursta og þar af leiðandi ekki búin að bursta og því mjög andfúl, varla búin að greiða mér með stírunar í augunum, hugsa á leiðinni út ég ætti kannski að hafa mig aðeins til en nei pæli ekkert meira í því ég verð svo stutt að ég hitti "pottþétt" engann. Auðvita hitti ég engann nema gamlan sjéns sem á sínum tíma orsakaði fiðring í magann og sem ég hef ekki séð frekar lengi og hitti nær aldrei, að sjálfsögðu hitti ég hann daginn sem ég hafði ekki svo mikið sem splæst í að greiða mér.....

hið dásamlega net

2007-05-05T16:49:00.000Z

ég er komin enn einu sinni enn á dósina get ekki sagt að ég sé að deyja úr spenningi yfir því en það hefur sína kosti. Í borginni hef ég eiginlega ekki aðgang að netinu nema heima hjá vinum og vandamönnum en það er hálf halllærislegt að hanga einungis á netinu þegar kona er í heimsókn svo ég er næstum því búin að hanga á netinu í allan og það er búið að vera dásamlegt!

2007-04-20T19:28:00.000Z

Það er búið að vera í deiglunni í smá tíma að fara í jóga í Laugum, gerði fyrstu tilraunina síðasta miðvikudag, ranglaði eitthvað um þá, skimaði út um allar áttir en fann ekki salinn þannig ég gafst upp smellti heyrnartólunum á og horfði hugfanginn á áströlsku sápuna. Fór síðan í dag og það var forvitnilegt, einu skiptin sem ég hef farið í jóga þá hefur það verið í öruggu skjóli innan veggja heimilins einungis ég og Guðjón Bergman (á dvd) sem sýnir hvernig fara eigi að þessu, ég fylltist því pínu öryggisleysi þegar ég kom í salinn ekki alveg viss um hvar ég ætti að sitja

Ó borg mín borg

2007-03-21T14:50:00.000Z

Eftir því sem veikindin minnka og heilsan batnar er ég hægt og bítandi að fóta mig á nýjan leik í hinu dásamlega hversdagslífi.

ég er búin að

fjárfesta í aðgangi að einni af betri líkamsræktarstöð reykjavíkur þar sem ætlunin er að endurheimta fyrra þrek og heilsu.

flytja í reykjavíkina sem ég saknaði sárt þessa mánuði sem ég var á dósinni

þvælast um ölstofur miðbæjarins að næturlagi í góðum félagsskap og meira að segja tekið nokkur dansspor (hef ekki dansað síðan Háskólalistafólk dansaði trylltan dans við Rebellinn í Stúdentakjallaranum.)

endurnýja kynnin við hitt kynið

ákveða hvað skuli gera næsta haust

fara í klippingu (eitthvað sem sat alltaf á hakanum)

útskrifast sem uppeldis og menntunarfræðingur

keyra til Reykjavíkur án þess að stoppa á leiðinni

Það mun

2007-03-08T23:12:00.000Z

blæða úr eyrum mínum ef ég heyri enn eitt lag með fokking sálinni og gospelkórnum.

Uppáhalds............ í augnablikinu

2007-03-07T01:39:00.000Z

vefsíðan

var ég búin að lýsa yfir hrifningu minni á Hugsandi nú þegar kosningar eru í nánd og inn á flest vefrit hrúgast kosningapistlar er Hugsandi líkt og vin í eyðimörk. Þar sem hægt er lesa um til dæmis sjálfsvíg í sögulegu ljósi, brúðkaupssiði á Íslandi, Önnu Nicole Smith og ýmislegt fleiri, mjög skemmtileg og fróðlegt (stundum)

tónlistin

ef ég ætti i-pod þá myndi ég fylla hann af lögum Ray LaMontagne. minnir að ég hafi fyrst heyrt í honum á myspaceinu hennar Karinar mæli með þeim báðum.

Uppáhaldslagið þessa dagana er þó án efa LalalaLove með hinum úper hipp og kúl Lundgren

Bókin
engin þar sem ég hef ekki nennt að fara á bókasafnið og bókaskáparnir á mýrarbrautinni innihalda að mestu bækur sem fjalla um a) hesta b) ættfræði c) hesta og ættfræði d) plöntubækur.

Maturinn
Belladonna kexið eða heitir það Ballerína...

Leitin mikla

2007-03-02T21:09:00.000Z

Þar sem ég er víst ekki 23 ára, bý á Íslandi og hef uppgvötað eftir að ég kom úr "útlegðinni" að megnið af vinkonum mínum eru komnar með kríli og fleira og ég hugsa að það sé komin tíma á að fara að leita að þessu fleira, ég hef íhugað þetta um nokkurst skeið og hef tekið saman nokkur atriði sem ég mun hafa í huga við leitina

Must have

vera karlkyns
vera opin fyrir feminískum hugsunarhætti
lesa bækur
hafa einhvern smá áhuga á þjóðmálaumræðun

Blátt bann við

að vera frjálshyggjuplebbi
að finnast leiðinlegt að spila kana

Bónusstig
alls ekki nauðsynlegt en er ekki að verra að hafa

vera ögn hærri en ég
hafa áhuga á menntamálum
ekki verra ef hann væri reyklaus

Allar ábendingar eru vel þegnar

23. ára á nýjan leik

2007-03-02T20:18:00.000Z

Bróðir minn lítur það alvarlega augum hversu gaman ég hef að því að veltast um miðbæ Reykjavíkur drekkandi drykki sem sljógva alla mína dómgreind og hugsun. Móðir mín telur þó þetta óþarfa áhyggjur því vissulega hafi átt sér viss stöðnun síðastliðin tvö ár þar sem veikindabrasið tók allan minn tíma, hugsun og orku og þannig lagað séð væri ég bara 23 ára...

En það er samt fínt að vera byrjuð aftur að huga að öðrum hlutum en gigtardraslinu og geta hugað að mun aðkallandi málum líkt

og hafa alvarlegar áhyggjur af fátæklegu innihaldi fataskápsins og líta yfir skósafnið og sjá að það sé bráðnauðsynlegt að bæta í það

panta tíma í ljós og fara í hann!

velta vöngum tímanum saman við að ákveða dagsetningu til að heimsækja Möggu sætu

heilsan er sem sagt alltaf að verða betri og mér finnst eins og ég sé að koma úr útlegð eða eitthvað álíka þar sem nú er ég byrjuð að geta gert svo miklu miklu meira en ég er búin að geta síðustu ár og næstu skref eru því líklegast að fara að vinna í að gera þá skandala sem ég hefði átt að vera löngu búin að gera

Leyniorðahelvítið

2007-03-01T01:01:00.000Z

það liggur við að kona geti ekki farið á salernið án þess að gefa upp leyniorð piff bloggleysi er að hluta til vegna þess að ég mundi ekki nýja lykilorðið og vegna gífurlegs tíðindaleysis.

Er þó búin að sitja í sal Háskólabíó við ótrúlega skemmtilega athöfn þar sem ég fékk gráðuna og má hér eftir titla mig sem uppeldis- og menntunarfræðingur. jeijeijei.

er eins og stendur fyrir norðan við störf á árbakkanum og er ekki frá því að ég þjóni betur til borðs eftir að hafa öðlast baið.

markmið þessa vikuna er þó að hringja í hana Drífu sætu sem er búin að eignast litla snúllu og ég er ekki enn búin að óska henni til hamingju hvað þá sjá litla krílið. Drífa ef þú lest þetta þá er ég búin að hugsa mun oftar til þín en þetta eina missed call gefur til kynna.

Aldingarðurinn

2007-02-02T20:37:00.000Z

Sá í fréttunm áðan að Aldingarðurinn eftir Ólaf sony Jóhannson hefði fengið bókmenntaverðlaunin. Ég er lítil smekkmanneskja á bækur samkvæmt bókasafnsverðinum á dósinni sem leggur sig allan fram við að fá mig til að lesa fagurbókmenntir en honum finnst ég taka alltof mikið af ruslbókum og lítið af alvörum bókum. ég skil samt ekki af hverju Aldingarður hreppti verðlaunin, mér fannst bókin ágæt en langt í frá að vera eitthvað meistarastykki. En fyrst hún vann þá hlýtur hún að vera betri en hinar bækurnar en ég einhvern meginn efast um að hún sé betri en Sendiherrann eða Tryggðarpantur.

Stefnan er að fara í bæinn í næstu viku og ég hlakka svo til...
Planið er að

fara í klippingu
horfa á ANTM í Sigluvoginu
drekka eitt hvítvínsglas með skvísunum
vera viðstödd skírnina hennar "Jósefínu Tómasínu"
kjósa Háskólalistann

og eitthvað fleira vonandi... hlakka ógurlega til.

Afmælis, afmælis, afmælis

2007-01-26T13:53:00.000Z

Rétt fyrir jólin var sagt við mig upp í Odda, "Erla, rosalega ertu skipulögð", Drífa Atla sem sat á móti mér, búin að vera með mér í skóla í þrjú ár, sprakk úr hlátri og vildi lítið kannast við að ég væri skipulögð frekar öfugt væri alltaf að týna öllu og gleyma hinu og þessu.

sem er víst rétt

en þessi sætu

Karin uppamær (í rauða kjólnum)

og

Óli besta skinn

undefined

áttu víst afmæli í janúar, bæði 26 ára, bæði sæt og bæði frekar fyndin, ég gleymdi alltaf að blogga afmælisblogg fyrir þau fyrr en nú....

Norðurlandið

2007-01-23T13:46:00.000Z

Kom á sunnudagskvöldið á dósina og þykist ég vera búin með skólann í bili:) jei, jei, jei. veit ekki alveg hversu lengi ég ætla að vera hérna gæti verið í 10 daga eða 2 mánuði. Planið er að minnka lyfin ennfrekar, hvergi betra að gera það en á dósinni, veit ekki alveg hversu mikinn tíma það tekur en ég vona að það taki nú ekkert alltof langan tíma er ekki alveg viss um að ég nenni að vera mjög lengi á dósinni. En Helga og Hugrún eru allavegana á svæðinu ásamt einhverjum fleirum (ekki mörgum samt) og alltaf gaman að bralla eitthvað með þeim, (jafnvel þó það sé á ströndinni)

Horfði á leikinn í gær líkt og allir, frekar ánægð með þetta´, handbolti er ein af fáum íþróttagreinum sem ég nenni að horfa á í sjónvarpinu, neglurnar þola samt ekki álagið við það verða örugglega allar komnar niður í kviku eftir mótið.

Fór annars um helgina með Árbakkaliðinu út að borða á Lækjarbrekkur sem var ofsalega gaman. Félagsskapurinn góður og maturinn enn betri, fengum humarsúpu, nautalundir og súkkulaðiköku hvert öðru betra. Mörg ykkar vita að ég er aftur farin að drekka áfenga drykki, ég kíkti út eftir matinn og fékk mér aðeins í glas, þetta var sem sagt í þriðja skipti sem ég drakk áfenga drykki síðan ég mátti byrja aftur að drekka. Það var mjög gaman um kvöldið, fékk mér í glas, drakk aðeins meira, fékk mér meira í glas, drakk ögn meira sem væri ekki í frásögunnar færandi nema þegar ég kom út af skemmtistaðnum þá skilaði ég öllum fína og góða matnum sem ég hafði borðað fyrr um kvöldið *roðn* ég held að slíkt hafi ekki komið fyrir mig síðan ég var 16 ára og Miðgarður var heitasti staðurinn.......

PIFF

2007-01-20T00:02:00.000Z

Það kom að því að ég skilaði loksins ritgerðinni og mun ég hefjast handa við að skrifa 12 leiðir til að vera á ætíð á öndverðu meini við leiðbeinandann.

Ég er ekkert smá fegin að hafa loksins skilað henni. Ég hefði samt aldrei náð að skila henni án dyggrar aðstoðar frá Auði mæli með því fyrir alla að eiga einhvern að eins og Auði, sem ég held að sé einnig fegin að ég er búin að ritgerðinni. Þar sem ég er búin að þræla henni út við að hjálpa mér við ritgerðina og neyða hana til að hlusta á allt rausið í mér við ritgerðarskrifin.

Planið er svo að taka þráðinn upp að nýju og fara að blogga meira. Sem verður sjálfsagt lítið má því ég verð á dósinni fram að útskriftinni og þar gerast nú hlutirnar. Ég á ekki von á öðru en að þar munu bíða mín spennandi ævintýri........

Jóla, jóla, jóla, jóla

2006-12-21T11:04:00.000Z

ég er ekki frá því að smá jólafílingur hafi komið þegar ég kom á Blönduós (þrátt fyrir rokið og rigninguna) og jólaljósin á brúnni blöstu við mér og traktorinn var kominn út í garð heima með jólaseríuna........

Odda tíðindi

2006-12-12T23:26:00.000Z

Það sem skiptir mestu máli þessa dagana er að ákveða hvað á að nasla við lærdóm. Ég er mjög léleg í að kaupa eitthvað gott og sniðugt, ég er bara algerlega hugmyndasnauð þegar kemur að því að versla mat. Ég er aftur á móti að læra með nasl drottningunni sem er ætíð með nýtt, framandi og spennandi nasl á boðstólnum. Í dag bauð hún til dæmis upp á smjörbaunir (mun betra en það hljómar), saltkringlur, tómata og gulrætur, ógrynni af tyggjó og það klikkar ekki að hún er oftast með einn eða tvo poka af stjörnupoppi.

Stefnan er síðan tekin á Þjóðabókhlöðuna á morgun til að finna einhverjar alveg....bráðnauðsynlegar bækur og rit, ég er alveg komin með æluna af þessu ritgerðarstússi. Góðu fréttirnar eru að ég er alveeeeeeeg að verða búin með hana þannig að einhver von er að ég geti bloggað um eitthvað annað en ritgerðina

Fékk einhverjar blammeringar í kvöld frá systurinn sem öllu þykist ráða yfir að vera ekki búin að kaupa jólagjafir, ég nefnilega neitaði að kaupa þær í október og byrjun nóvember fannst það svo plebbalegt en verð nú að viðurkenna núna þegar styttist óðum í jólin að það hefði kannski verið sniðugt að klára þetta..... þrátt fyrir að hafa lofað að ætlað sjá um jólagjafirnar í ár þá er ég búin að koma þeim öllum af mér og er ekki ábyrg fyrir að kaupa nema eina gjöf!

Odda hátíðin

2006-12-10T20:35:00.000Z

Mikið verð ég nú fegin þegar þetta ritgerðardrasl klárast...gengur reyndar mjög vel að skrifa en í stað þess að örvænta að ég nái ekki að klára ritgerðin snýst örvænting nú um að ritgerðin sé ekki nógu góð, að hún nái ekki að verða það meistarastykki sem henni var ætlað að verða. Mikið hlýtur nú að vera spennandi að lesa hvernig ritgerðarskrifin ganga hjá mér, ég er bara eitthvað svo niðursokkin í ritgerðarskrifin þessa dagana að mér er lífsins ómögulegt að tala um eitthvað annað eða blogga.

Jósefína Tómasína (eins og ég og Tommi nefnum hana) Sunnudóttir leit dagsins ljós um helgina, ég og Auður skunduðum upp á fæðingardeild til að kíkja á litla krílið áðan og hún er dásamleg í einu orði sagt og eggjastokkarnir fóru að klingja hjá Auði en mínar hugsanir snúast bara um tilvonandi drykkjuskap og engin breyting varð þar á þrátt fyrir að hún hafi verið ægilega sæt. Því trallala mér til mikillar gleði styttist nú óðum í að inntöku áfengra drykkja verði hafin. Hætt á sterunum, svefntöflunum, bólgueyðandi töflum og næstum hætt að þurfa að taka verkjatöflur, eftir stendur ekki nema tvö lyf.... það er því fátt sem stendur í vegi þess að hægt sé að byrja aftur að þjóra ölið en ég er ekki nema búin að vera án áfengra drykkja í tvö ár og þrjá mánuði og óhætt er að segja að ég hlakka pínulítið til. Reyndar hlakka ég svo mikið til að ég hálfpartin hræðist það.

jólin er svo víst á næsta leyti sem þýðir að einu sinni enn er komin tími á að pakka niður draslinu sínu og flytja, verð að viðurkenna að ég er orðin rosa þreytt á þessum sífelldu flutningum sem betur fer á ég mjög lítið af dóti.

Odda fílingur

2006-12-07T12:26:00.000Z

Nú er komið að því að bretta upp ermarnar og henda á blað 7.000 orðum eða svo til viðbótar, skila ritinu til Johnny og útskrifast............ Ég og Drífa Atla sitjum hér nú orðið alltaf og skrifum líkt og brjálæðingar, oddafílingurinn í hámarki, þið þekkjið þetta, söknum hans þegar við þurfum ekki að vera þarna en vitum þegar við erum þar að þetta er ekki svooo gaman. Gengur samt ágætlega en er samt með svona nettan kvíðahnút í maganum um að ég nái ekki að klára þetta.

Efnilega stjórnmálakonan er orðin að tilvonandi þingkonu og ef allt gengur að óskum verður hún þingkona næsta haust. Ísland verður nú ekki illa svikið af því, hitti einmitt gamlan kennara af króknum sem taldi að það væri nú mikið gæfuspor að fá hana í þingliðið og lofaði henni fullum stuðningi næsta vor (án þess að ég væri að pressa á hana að kjósa dömuna)og vona að þið hin gerið það líka annað væri flónska.

Líkt og Hugrún þá tek ég stundum nett gleymskuköst þó ég sé nú ekkert í líkingu við hana. Var að koma að norðan um daginn, strunsaði upp tröppurnar klyfjuð af töskum og pokum og lenti í mesta brasi við að opna útidyrnar, að lokum hafðist það eftir að ég var orðin pínu pirruð á þessu. Fór inn, fékk mér smá að borða, las blöðin í rólegheitum og hugðist svo ætla að taka upp úr töskunum og FANN EKKI töskurnar! Ég hafði sem sagt skilið allt draslið fyrir utan dyrnar mínar, ferðatöskurnar, pokana og veskið mitt með pillunum og peningaveskinu í. Sem betur fer býr strangheiðarlegt fólk í Sölunum þannig að dótið var nú allt á sínum stað en frekar eitthvað Hugrúnarlegt.

Ég ætla

2006-12-05T00:20:00.000Z

að blogga á morgun um þetta leiðinda heimapróf sem ég er föst í...ARG,ARG OG FNÆS, tilvonandi þingvinkonuna, ótrúlega gleymsku og bílskúrinn minn

Dugnaður.is

2006-12-01T14:35:00.000Z

Ég er búin að gera svo margt í vikunni

Fór norður
Búin að lesa alveg heilan helling
Flensan heimsótti mig og eitt stykki ælupest

Stuð!

-------

Stefnan er svo sett á höfuðborgarsvæðið annað hvort í kvöld eða eldsnemma í fyrramálið. Annars vegar var ég búin að lofa mér að gæta skæruliðana í Norðingarholtinu á sunnudagskvöldið og hins vegar er svo prófkjörið hjá VG á morgun. Vil ég mæla með henni Auði Lilju sem býður sig fram í 2. sætið. Hún er frábær, hefur margt fram að færa og á erindi inn á hið háa herrans Alþingi til að gera lífið aðeins auðveldara fyrir okkur hin. Ef hún nær 2. sætinu sem ég svo sannarlega vona þá heiti ég því að læra nöfnin á öllum köttunum hennar og vita hvaða köttur á hvaða nafn.

Svo er bara að spýta í lófana og vera ofur duglega að læra næstu viku ásamt Drífunum

Ritdómar

2006-11-27T13:10:00.000Z

Ég gæti skrifað langan og leiðinlega pistil um hvað ritdómar eru ÖMURLEGIR. En ég er að hugsa um að hlífa ykkur við því þar sem ég er loksins, loksins búin að klára þá og einungis örfáar klukkustundir þangað til að ég læt þá af hendi. Alveg er mér sama þótt ég sjái þá aldrei, aldrei, aldrei aftur.

Næsta mál á dagskrá er svo hin blessaða BA ritgerð, 27. nóvember, 5.000 þúsund orð komin á blað og ekki nema 5.000 þúsund til 10.000 þúsund orð eftir, ummh lítið mál. Ekki frá því að það sé byrjað að gera vart við sig kvíðaköst og oföndun. En ef konur verður ógurlega dugleg næstu daga og vikur þá ætti þetta nú ekkert að vera SVO mikið mál. Ég og Drífurnar erum allavegana alveg ótrúlega duglegar þessa dagana að liggja yfir meistarastykkjunum okkar.

Ég fór í skírn í gær hjá dúllu mánaðarins henni Emilíönu Björt önnu Daggar og Bödda dóttur. Mér finnst nafnið ógurlega flott og litla skvísan er svo ljómandi heppin að hún virðist hafa erft brosið hennar mömmu sinnar. En allir sem þekkja Önnu Dögg vita að hún er með alveg einstakleg sætt bros. Kræsingarnar í veislunni voru síðan eins og í 200 manna fermingarveislu, ég held að ég hafi sjaldan séð eins mikið af kökum og gúmmilaði á einu borði.

laugardagsblús

2006-11-25T21:50:00.000Z

Ég er svo leið eitthvað þessa dagana, helvítis gigtin. Ég veit að ég á að vera þakklát fyrir að verða aftur frísk, ég veit að ég á að meta allt svo miklu betur í dag en ég gerði áður en ég veiktist en raun er ég bara pirruð og leið Pirruð á að vera ekki orðin frísk á nýjan leik, þurfa alltaf að vera að bíða og vona að ég verði alveg jafn góð og nái að hrista þetta af mér og mér finnst ég vera eitthvað svo dottin úr öllu.
Það ég var verri þá gerði ég auðvita mjög lítið, það er alveg full vinna að vera alltaf að drepast úr sársauka og geta sama sem og ekkert hreyft sig. Og þegar stendur svoleiðis hjá konu þá er maður ekkert að deyja úr hressleika og þar af leiðandi dettur maður svolítið úr sambandi við allt og alla.ognú þegar ég er alltaf að verða betri og betri og get aftur farið að gera venjulega hluti og vera með þá finnst mér ég vers svo dottin úr öllu og þá verð enn pirraðari og enn leiðari
En það eru auðvita alltaf ljósir punktar í tilverunni ég er hætt á sterunum og fokkings svefntöflunum þannig það er allavegana gott mál.

Sundhallarævintýrið

2006-11-21T14:19:00.000Z

Það hefur vafalaust ekki farið framhjá neinum fimbulkuldinn sem faðmar okkar þessa dagana. Eftir að hafa lesið sundsöguna hjá Drífu Atla ákvað ég það væri skynsamlegt að leggja leið sína í innilaug þessa vikuna. Hvað er annars málið með þessar fo++ing útisundlaugar það er alltaf skítakuldi hérna og það er varla hægt að komast í innilaug. Eftir minni bestu vitund er bara ein innilaug á höfuðborgarsvæðinu og því skundaði ég galvösk í sundhöllina.

Ég held ég hafi einu sinni áður farið í hana en var þá í fylgd með fullorðnum nú fór ég ein og ég mæli með að allir fari a.m.k. einu sinu aleinir í sund þar. Það er bara eitthvað svo ótrúlega fyndið að fara í sund þar þegar kona er eins sín liðs vegna þess að þá er kona ekki símasandi og gerir ekki annað en að taka eftir fólkinu og umhverfinu. Klefarnir eru auðvita sérkapítuli og greinilegt að sundhöllin var byggð áður en hagræðing og hagkvæmi varð allsráðandi. En óneitanlega gaman að geta lokað að sér í sínu eigin klefa við að skipta um föt og vera alveg laus við að rekast í annara manna rassa.

Sundlaugin sjálf er nú í minni kantinu og það er minna en ekkert pláss til að synda þar. Því ekki má synda fyrir framan dýfingarbrettið og skólakrakkar á sundæfingum taka síðan sinn skerf að plássinu eftir stendur örlítil ræma sem hinum almenna sundmanni er gert að synda. Synt er í hring til að að sem flestir geti synt. Svoleiðis fyrirkomulag er mjög hentugt en fyrir okkur sundtossana er það pínlegt. Já ég er sundtossi, var alltaf síðust í bekknum í sundtímum, syndi bæði illa og hægt.

Sundhöllin ólíkt öðrum sundlaugum býður upp á skemmtiatriði ég tel að fleiri sundlaugar ættu að taka það upp því óneitanlega er skemmtilegra að synda þegar einhverjir samferðarmenn skemmta manni. Gæði skemmtiatriðana var þó misjöfn. Dýfingarnar voru góðar, harla gaman að horfa á krakka og menn stökkva, nokkrir sem sýndu býsna góð tilþrif. Lyftingarnar voru pínu súrar en samt hægt að hafa gaman af þeim. Það eru nefnilega á einu bakkanum lyftingartæki sem vaskir menn og konur geta spreyt sig á í sundfötunum. Þegar ég var þarna voru úber massaðir gaurar í gömlu speedo sundskýlunum sem lyftu á fullu og spígsporuðu síðan um höllina til að sem flestir gætu séð þá.

og loks er hægt að gera æfingar í kvennaklefanum því þar er herbergið með dýnu og rimlum sem hægt er að gera hinar ýmsu teygju og styrktaræfingar ég þurkkaði mér nú bara læt það bíða betri tíma að gera æfingar í sundbol.

þetta var samt sem áður án efa ein sú eftirminnilegasta sundferð sem ég farið í þannig að ég get ekki annað en mælt með að sem flestir skelli sér í sund í sundhöllinni

Svefntöflusýki

2006-11-16T13:55:00.000Z

Þessa dagana er ég ekki að deyja úr hressleika, ástæðan: helvítis svefntöflur. Ég er búin að taka inn stera í um tvö ár, sterar eru algjör viðbjóður til lengdar og ein af mörgum aukaverkunum að erfitt er að sofa. Til að redda því fær kona svefntöflur sem hún samviskulega hefur tekið samhliða sterunum. Nú þegar sterainntöku er hætt mér til mikillar gleði þarf að hætta að bryðja svefntöflurnar. Ég í einfeldni minni hélt að það myndi nú verða lítið mál en svo er ekki.

og er ég að verða brjáluð á þessu svefnveseni

sofna ekki á kvöldin og vakna ekki á morgnana sem er ótrúlega sniðugt þegar kona er að keppast við að skrifa BA ritgerð og klára þessa helvítis ritdóma. Ég er þessa dagana eins og ég sé í sumarfrí sofna seint og vakna seint.

Tengd við umheiminn á ný

2006-11-13T15:24:00.000Z

ég veit ekki alveg hvar ég á að byrja. Rosalega er leiðinlegt að komast ekki reglulega í tölvu í næstum tvær vikur er ég búin að vera fjarri hinum glæstu netheimum. Drattaðist lokst í dag á Þjóðarbókhlöðuna og sökum þess hve lengi ég er búin að vera fjarri netheimnum er ég ekki búin að læra neitt, búin að vera ofurupptekin við að lesa og skoða uppbyggilegt og fræðandi efni á netinu (ef einhver ætlar að halda því fram að ég sé bara búin að skoða blogg og síður sem birta regulega pistla um hin og þessi málefni er það fjarri sanni).

Fór í vikuferð til Norðurlandsins og er óhætt að segja að sú ferð hafi verið mjög árangursrík. Ég meira að segja kláraði eitt verkefni þar sem er mjög óvanalegt því
yfirleitt þegar ég er fyrir norðan geri ég allt NEMA að læra. Auk þess náði ég að losa mig við tvö lyf. Það er auðvita alltaf ánægjulegt að hætta á einhverju af þessum endalausum pillum sem ég þarf að gleypa en í þessu tilviki varð það sérstaklega ánægjulegt þar sem nú er ég komin í ásættanlega fjölda af pillum og er ekkert til fyrirstöðu að fara að þjóra ölið aftur. Að vísu þarf ég að bíða í tvær til þrjár vikur áður en það er hægt en það er allt í lagi þar sem ég hef ekki svo mikið sem tekið einn sopa af áfengum drykk í TVÖ ÁR OG TVO MÁNUÐI þá hugsa ég að það breyti litlu að bíða í þrjár vikur í viðbót.

Annars vil ég eindregið hvetja ykkur til að skrá ykkur í flokkinn til að styða Auði

Er byrjuð að fá væg kvíðaköst yfir ritgerðarskrifum en er það ekki eðlilegt, segið mér að það sé eðlilegt, mun ég ekki alveg örugglega ná að klára hana á tilsettum tíma.........ég er að reyna að vera svellköld yfir ritgerðarsmíðum en ég er ekki að grínast það rigna yfir mig sögur af fólki sem aldrei kláraði ritgerðina sína og býr núna í kofaskriflum, lengst í burtu og talar um að það sé að skrifa ritgerðina og sé alveg að fara að klára hana

Tékklistinn í Dag

2006-10-19T20:33:00.000Z

JÁ Skoða bloggsíður hjá vinum mínum allavegana tvisvar
JÁ Skoða bloggsíður hjá bláókunnugum fólki
já Lesa námsbækurnar (lítið því ég gerði ekkert voðalega mikið af því)
JÁ Hanga með Lilju systur í mikilvægum erindagjörðum líkt og fara í búðir, bakarí og horfa á Leiðarljós.
JÁ Taka prófin hjá Helgu og Hugrúnu
NEI Taka til því Kristín er að koma heim á morgun
JÁ Hanga ógeðslega mikið á netinu og skoða drasl sem gangast mér sama sem ekkert
NEI Prenta út glósurnar mínar og raða þeim snyrtilega og í röð í fallega möppu
JÁ Klára ritdóm nr. 2
NEI Taka nýja bók á bókasafninu til að lesa fyrir ritdóm nr. 3
JÁ Blogga (mjög mikilvægt)
NEI Finna villuráfandi sauði og segja þeim að kjósa Auði í prófkjörinu fyrir VG í Nóv
JÁ Hanga aftur ógeðslega mikið á netinu
JÁ Skoða nýju myndirnar sem Guðný Ebba setti inn
NEI HORFA Á UPPÁHALDSÞÁTTINN MINN(og missi örugglega af honum því ég er svo dugleg að "læra"

Allt til að sleppa við að lesa....

2006-10-17T18:23:00.000Z

Passaði um daginn örugglega sætustu börn í heimi, (Liljubörn þannig að ég er nú kannski sú hlutlausasta!) Ég tók það skýrt fram áður en ég tók að mér pössunina að ég ætlaðist til þess að börnin myndu ekki æla á meðan, ég er rosalega lítið fyrir eitthvað svona ælustand, það stóðst ekki og verð ég að lýsa yfir miklum vonbrigðum með það. Ein einföld beiðni og það var ekki hægt að verða við henni, sýnir bara hvað siðferði foreldra fer hnignandi.

Helginni var annars eytt í faðmi Uppana. Sá loksins íbúðina hennar Kristrúnar og hún er ekkert smá flott, stefnan var nú sett á Októberfest en sökum þess hve mikið þurfti að blaðra þá var öllum áformum um það slaufað af. Höfðum það síðan af að fara í road trip á Selfoss til að kíkja á krílið hennar Sigrúnar, frekar sæt.

Annars snýst lífið bara um lestur þessa dagana....ekki að nenna þessu.

Tölvugrúsk eða hangs

2006-10-11T16:47:00.000Z

Þessa önn hef ég uppgvötað að það er vel hægt að læra á Þjóðarbókhlöðunni. Því fylgja þó nokkrar hliðarverkanir. ég hef aldrei hangið mikið á netinu, aldrei nennt að vera eitthvað að grúska og finna eitthvað sniðugt. Það er nú breytt eftir að ég byrjaði að venja komur mínar hingað á Þjóðabókhlöðuna finnst mér ekki gera neitt annað en að hanga eitthvað á netinu. Ég er alveg að læra en ég eyði álíka miklum tíma í að vera eitthvað að krúsa á netinu!

Uppgvötaði til dæmis Ray LaMontagne og er búin að hlusta á hann í allan dag, sérstaklega lagið Trouble, mæli hiklaust með því.

Afmælisboð...

2006-10-09T11:48:00.000Z

Hugrún sæta kom í bæinn um helgina og eyddum við tímanum okkar í hinum ýmsu afmælisboðum.

Auðvita vorum aðeins orðnar aðeins seinar þegar við loksins fundum okkur leið út úr úthverfum Kópavogs. Mér virðist vera lífsins ómögulegt að vera stundvís ég er ALLTAF aðeins of sein. Ég tók mig að vísu aðeins á eitt árið vegna þrálátra kvartana frá Sunnu en því miður þá var það ekki til frambúðar.

Fyrra afmælisboðið var svona skylduboð. Skylduboð eru ekki skemmtilegt, í fyrsta lagi þekkir kona yfirleitt mjög fáa, í öðru lagi fer kona fyrst í þau og er þar af leiðandi ekkert komin í neina stemmingu og þriðja lagi er maður bara að bíða eftir að geta farið. Þegar við komum þá var eiginlega enginn mættur sem er bara fínt því þá var minna af fólki sem þekkir engin deili á enduðum síðan á að horfa á einhvern þátt í sjónvarpinu frekar glataðir gestir og um leið og þátturinn var búinn. Jæja þetta var nú fínt en því miður þá þurfum við að fara núna.

æi þetta hefði örugglega geta verið fínt en ég var með við hugann við afmælisboð nr. 2 og gaf þessu því engan séns

seinna afmælisboðið var mun skemmtilegra... við áttum að vísu í einhverjum smá erfiðleikum við að finna réta húsið...en getur það ekki komið fyrir alla að fara í vitlausa götu og liggja á dyrabjöllum ókunnugra og heimta að fá að koma inn í partý? en eftir að fundið rétta götu og rétt hús og rétt afmælisbarn þá tók við taumlaus gleði fram eftir og skemmtum við okkur konunglega:) eini mínusinn var auðvita helvítis áfengisleysið ég hreinlega get ekki beðið eftir því að vera ógeðslega full í partýum eða börum borgarninna og segja sömu söguna aftur og aftur og drekka og drekka og drekka...

ótrúlega gaman samt að fá að hitta aðeins Hugrúnu og það er skyldumæting fyrir þig að koma í bæinn þegar ég verð byrjuð aftur að túttja:)

Helgin og Helga

2006-10-02T13:49:00.000Z

Undanfarna viku hef ég eytt nokkrum kvöldum í að útrýma húsflugunum sem hafa það að venju sinni að dansa stríðsdans þegar ég ætla að ganga til náða. Þannig að ég eyði dágóðum tíma í að ganga frá flugunum.

Helga kom um helgina og hélt ég úti stöðugri skemmtidagskrá fyrir hana þegar hún var ekki upptekin á einhverri iðjuþálfaráðstefnu. Hittum gamlar Króksara stelpur á fimmtudagskvöldið, stelpur sem ég hef ekki séð í fleiri, fleiri ár og svo var kíkt á Kiddu en eftir að hún varð ráðsett frú í Grafarvoginu ef ég varla séð hana. Þetta var mjög gaman allt saman og Helga komdu sem oftast. Gekk að vísu ekki vel að halda gigtarmataræðinu um helgina en það er allt í lagi þegar koma gestir er það ekki annars?

Konur eru aumingjar

2006-09-29T10:02:00.000Z

Var í tíma um daginn þegar barst til tals frasinn "þú keyrir eins og kelling" og fleiri í svipuðum dúr. Rætt var ýmsar hliðar á þessu og þetta væri nú frekar niðrandi fyrir konur almennt. Einn strákur steig þá fram og útskýrði frasann fyrir okkur hinum þetta er sem sagt ekkert verið að beina þessu beint að konum. Þegar einhver segir þú keyrir eins og kelling þá er verið að meina þú keyrir eins og aumingi. Nota bene þá átti þetta samtal sér stað í Kynjafræði og ég ætlaði að brjálast úr hlátri, strákurinn var ekki að ná NEINU af því sem fram fer í tímunum.

Þetta er eftir sem áður niðrandi frasi, það gerir lítið úr konum til lengdar að vera alltaf að líkja þeim við aumingja.

Stuttu seinna rakst ég á kunningja minn á förnum vegi og jafnréttismál bárust í tal. Hann soldið pirraður "ég bara þoli ekki þessa helvítis öfgafullu feminista" ég styð jafnrétti, ekki öfgafulla femnista. Ég hef aldrei áttað mig á hvað er verið að meina með öfgafullum feminstum, eru það konur og karlar sem berjast af einurð og festu fyrir réttindum kvenna eða eru það konur og karlar sem ganga um götur borgarinnar og skelfa karla, sitja fyrir þeim og kasta eggjum í bílana þeirra.

hvað er öfgafullur feminsti?

Ein lítil búin ein stór eftir

2006-09-26T21:38:00.000Z

Loksins búin að klára litlu ritgerðina mína sem þýðir að ég verði að hefjast handa við stóru ritgerðina. Ég fæ martraðir við tilhugsunina að ég muni ekki klára hana, hún búin týnast eða eitthvað verra og ég næ ekki að útskrifast... Bömmer. Eina ráðið við því er líklegast að vera OFUR, OFUR dugleg næsta mánuðinn og rumpa þessari elsku af.

Svo styttist í að ég geti dregið fram dansskóna mína og dans-
drykkina... sem oftast inniheldur vökva með áfengismagni í. Afleiðingar af því að drekka "dansdrykki" geta verið margvíslegar. Til dæmis að dansa mikið og lengi, segja sömu söguna aftur og aftur, fara á trúnó inn á salerni, sjá tvöfalt (eins og myndin:), Sökum þess hversu langt er síðan ég drakk þá man ég einungis eftir hversu gaman og skemmtilegt það var og hlakka ógurlega mikið til að fara súpa aftur á þeim.

Þjóðarbókhlaðan

2006-09-14T13:47:00.001Z

Ég hef aldrei verið mikil aðdáandi þess að læra á Þjóðarbókhlöðu. Það er nokkur atriði sem saman gera það að helvíti á jörð að læra þar.

Hljóð eiga það til að magnast upp, blaðaskrjáf hljómar líkt og sprening, hvískur samnemanda er eins og einhver standi við hlið manns og öskri í eyrað á manni.
Veitingasalan er dýr, dýr, dýr og úrvalið ekki upp á marga fiska
Ekki er leyfilegt að hafa vatnsflösku á borðinu né eitthvað gott til að narta í.
Príla þarf óendalega marga stiga til að komast á áfangastað.
Annað hvort er hitinn eins og í maður sé staddur í miðri eyðimörk eða að kuldinn nístir mann inn að beini.
Fólk er endalaust að ráfa fram og til baka, fram og tilbaka og truflar einbeitinguna

EN EN

í dag gerði ég tilraun til þess að læra þar og það gekk. Meira en gekk, í fyrsta skipti síðan ég hóf skólagönguna, fannst mér bara fínt að læra þar. Kom alveg ótrúlega miklu í verk á skömmum tíma og sé fram á að geta hespað ritgerðardruslu sem ég átti að vera löngu, löngu, löngu búin að klára um helgina jei, jei, jei, jei. Svo er spurning um að fara að draga Drífurnar með sér til að byrja á þessari BA-ritgerð svo ég verði ekki ein af þessu B.M.A.N.R. (Búin með allt nema ritgerðina)

Tók loks ákvörðun um að vaka eftir Magna eftir að Kristín tilkynnti að hópferð væri upp í Grafarvog til að fylgjast með "síðasta" þættinum. Vona bara að það eigi ekki eftir að koma mér í koll því ég verð að mæta í tímann í fyrramálið. En ég er orðin algjör Rock star aðdáandi mér finnst alveg ótrúlega gaman að fylgjast með þessu.

2006-09-13T15:08:00.000Z

hjhkj

Kæru Flokksfélagar!

2006-09-10T14:32:00.000Z

Tók það stóra skref á dögunum að skrá mig í stjórnmálaflokk. Tilgangurinn var þó eingöngu til að styðja vinkonu mína í formannsembætti, "hvert atkvæði skiptir máli". Vaknaði eldsnemma og fór austur fyrir fjall til að sitja allan, allan daginn á fundinu um hitt og þetta.

Kosning til embætta var það eina sem ég hafði áhuga á. En til að geta að látið atkvæðið mitt af hendi var víst nauðsynlegt að sitja nær allan fundinn. Annað væri dónaskapur. Systir Freys tilkynnti mér það að væri óþolandi fólk sem mætti bara til að kjósa. Ég vil ekki vera óþolandi þannig að fundinn sat ég og beið og beið full tilhlökkunar eftir að geta kosið.

Eftir því sem leið á fundinn magnaðist spennan að mínu áliti og sá ég fyrir mér æsispennandi kosningar. Þegar loksins dró til tíðinda og tilkynnt var að kosning hæfist eftir smá stund koma það óvænta sem ég hafði alls ekki reiknað með. Kosning væri óþörf þar sem einungis eitt framboð hefði borist í hvert embætti.

Vonbrigði mín voru gífurleg

En ég tók þó gleði mina fljótt aftur þar sem vinkonan er nú orðin formaður

Þetta var nú reyndar ekki með öllu alslæmt. Ég skemmti mér ágætlega, fundurinn áhugaverður, fólkið skemmtilegt og það sem öllu máli skiptir málefnin góð. Ekki vottur af frjálshyggjuhugsun en á henni hef ég mesta andstyggð á.

Næsta mál á dagskrá SKVÍSUHITTING, SKVÍSUHITTING. Mig langar á skvísuhitting núna, núna, núna, núna

Kórsalavindurinn

2006-09-08T11:28:00.000Z

Heima hjá mér vakna ég iðulega við hvínandi rok og læti, held iðulega að það sé brjálað veður. Hringi yfirleitt í einhvern sem býr ekki uppi í móum og er þá oftast tilkynnt að það sé ekkert að veðrinu og enginn afsökun til að væflast eitthvað heima vegna veðurs. Það er ekki venjulegt hvað er hvasst alltaf hérna í Kórsölunum.

Fór í skólann í gær, í 10 mínútur eða svo.
Þar sem mín yndislega deild býr við stöðugan fjárskort kemur oft fyrir að úrvalið sé minna en ekki neitt. Þar sem stefnan er að reyna klára BA-prófið um jólin vantar mig nauðsynlega einhvera einingar hér og þar.
Kom í tímann í gær alltof sein (betra að vera sein og sæt en fljót og ljót samkvæmt Helga)strunsaði inn í tímann og hreytti í einhvern 1. árs nema hvort þetta sæti væri laust. Settist, dró upp blokkina mína og penna leit í kringum mig með öllu mínu lokaársyfirlæti, þekkti enga, námsefnið ótrúlega leiðinglegt og strunsaði aftur út. Ömurlegt að vera svona eftirlegukind!!!

Hveragerði er málið um helgina; Auði í formann, Auði í formann.... en samkvæmt orðinu á götunni mun hún bjóða sig fram í formann ung vinstri græna
og svo Drafnartjútt á laugardaginn ég get ekki beðið eftir að byrja aftur að þjóra ölið

Haustið

2006-09-03T14:44:00.000Z

Sumarið búið ef sumar mætti kalla, haustið að koma það er nú reyndar komið fyrir norðan og allt sem fylgir því. Meðal annars að byrja aftur að blogga... Veit ekki hvað það er en ég hef aldrei nennt að blogga yfir sumarið en þar sem haustið er á næsta leyti þá er kominn tími til að byrja aftur að blogga.

Næstu færslur munu nú líklegast bera þess merki að ég er komin úr allri bloggæfingu

Helgin

2006-06-07T02:03:00.000Z

Tæpir 1700 km keyrðir
Ein hraðasekt
Útsýnisferð í Fossárdal í stað þess að keyra Öxi
Óteljandi ferðir milli Egilstaða og Eiða og Fellabæ
Álverið skoðað
Fáskrúðsfjarðargöngin keyrð
Tékkað á Eskifirði
Svart hvíta hetjan mín kom sterkt inn
Hitt á Kela
Smá bilerí á bílnum ekkert sem Gísli gat ekki lagað
Sá ekki íbúðina hjá Pétri, hálf slappt
Í sumarbústaðnum var greddukot, landakot, kroppakot og ýldukot
Slappir hamborgarar á Skútustað
20 stiga hiti

og svo sofið til hálffjögur í dag

Næst á dagskrá

2006-06-02T14:45:00.000Z

Egilstaðir...

Blogg ólægð

2006-05-27T15:15:00.000Z

er óhjákvæmilegur fylgifiskur þess að sumarið er að koma. Tvennt sem ég þarf að blogga um kosningarnar og brotthvarf Óla Tómasar.

en er á Blönduósi um helgina á heimili þar sem sjónvarpsgláp og tölvuhangs er litið óhýru auga það verður því að bíða betri tíma.

verð samt að láta fljóta með mynd af frambjóðandanum á heimilinu

Þreyttur Mánudagur

2006-05-22T17:18:00.000Z

Í dag fór ég ekki á staðinn sem mun gera það að verkum að geti aftur farið að þjóra ölið og velst um blindfull í miðbænum. Enda er ég líka hálfpirruð.

sló met um helgina í bíó-aðsókn. Fer frekar sjaldan í bíó en fór frekar oft um helgina. Fyrri myndin var í lagi seinni myndin var smá vafasöm en félagskapurinn var góður. Þannig að það bæti upp fyrir það sem myndina vantaði. Fór á MI-III þar sem blandað var saman spennu og rómantík með lélegum árangri.

Er annars að reyna að koma mér aftur í gírinn og byrja aftur að læra. Búin að afreka að mæta upp í skólann vantar aðeins upp á að það skili einhverjum árangri.

Dagurinn er þó ekki alslæmur því Magga er kemur í kvöld

Matarboð

2006-05-21T18:42:00.000Z

Lilta frænkan mín á eftir að verða ein af þessum þar sem alltaf er matur á borðum og með fullt hús af gestum.

Hringdi og bauð mér í mat

Jenný Rebekka: viltu koma í mat
ég: ja... (alltof oft er ég að brasa eitthvað annað þegar hún hringir og býður í mat)
Jenný Rebekka: það er folaldakjöt
ég: ja...
Jenný Rebekka:(ekki af baki dottin og greinilega búin að búa sig undir dræm svör) það er 24 í kvöld heima hjá mér ekki þér
ég: já ég skal koma í mat

?

2006-05-21T17:24:00.000Z

Ég er að velta fyrir mér hvort ég ætti að setja link á uppháldsbloggarann minn. En það sem helst aftrar mér frá því er að uppháldsbloggarinn minn er einhver sem

ég hef aldrei séð
ég hef aldrei talað við
ég veit ekki hver er

Samt les ég bloggið hans reglulega, mér finnst samt eitthvað svo fulllangt gengið að linka á einhvern sem ég þekki ekki og mun eflaust aldrei þekkja. Ástæðan fyrir því að ég er að velta fyrir mér hvort ég ætti að gera það eða ekki er einfaldlega sprottin upp af praktískum toga. Man aldrei bloggslóðina þannig að í hvert skipti sem ég ætla að kíkja á bloggið þá þarf ég alltaf að fara einhverjar krókaleiðir.

Allt að gerast:)

2006-05-18T22:48:00.000Z

Skólinn búinn, ekki að það hafi verið mikið að klára.

og

Ég er búin að flytja

Í næstum 1 og 1/2 ár er ég búin að vera á endalausum þvælingi og búa á hinum ýmsum stöðum.

Var í Sæviðarsundi 26 eina önn
Heim um sumarið
Bergsmárinn næstu önn
Heim um sumarið
Calle Luna hjá hinum "yndislega" Jimmy í smá stund
Hraunbær þess önn

og svo og svo og svo
KÓRSALIR

Er í risastórri íbúð, þrjú svefnherbergi og klósett sem hægt er að halda partý í.
Flutti til Kristínar og Dodda í síðustu viku og líst rosa rosa rosalega vel á þetta. Eini gallinn að miðbærinn er í nokkurri fjarlægð en þar sem ég er ekki enn byrjuð að þjóra ölið og hanga blindfull á börunum þá er það mjög lítill galli.

Allir meira en velkomnir í heimsókn ef þið leggið í að keyra hingað upp í móana. Svo hugsa ég að það þyrfti að spila eitt Risk eða svo hér.

Flækjur

2006-05-12T00:55:00.000Z

EINSTÆÐIR SOKKAR
STAKIR SOKKAR
TÝNDIR SOKKAR

Sokkarnir mínir eru djúpt sokknir í fen óreiðu og flækju

Ég tel að það hafi verið mistök af hverfa frá litríkum og mislitum sokkum í einlita.
Þegar ég gekk í litríkum og mislitum sokkum lenti ég stundum í því að sokkarnir mínir voru óviðeigandi stund og stað. EN ég var aldrei í vafa um hvaða sokkar ættu að vera saman og hvaða sokkar ættu ekki að vera saman. NÚ lendi ég aldrei í því að sokkarnir mínir séu í hrópandi ósamræmi við föt, stund eða stað. Í staðinn er ég með haug af einstæðum og stökum sokkum.

Fyrir utan þá sem ég hef týnt. Hvernig í ósköpunum tekst mér alltaf að týna sokkunum mínum. Ég veit ekki með ykkur en ég er ekki vön að fara mikið úr sokkunum nema bara heima hjá mér.

2006-05-09T22:07:00.000Z

1. Aldrei í lífi mínu:
mun ég fara í teyjustökk
2. Þegar ég var fimm ára:
man ekki, man ekki, man ekki, man ekki
3. Menntaskóla árin voru:
forsenda til að innbyrða óheyrilegt magn af áfengi
4. Ég hitti einu sinni:
eða öllu frekar sá Putin Rússlandsforseta
5. Einu sinni þegar ég var á bar:
þá sofnaði ég á barborðinu

6. Síðastliðna nótt:
gerðist fátt markvert
7. Næsta skipti sem ég fer í kirkju:
verður örugglega þegar litli Jónsson verður skírður
8. Þegar ég sný hausnum til vinstri sé ég:
bókaskáp og málverk
9. Þegar ég sný hausnum til hægri sé ég:
mjög svo ljótar gardínur
10.Þegar ég verð gömul:
verð ég á ferð og flugi

11. Um þetta leyti á næsta ári:
verð ég í útlöndum
12. Betra nafn fyrir mig væri:
fínt þarfnast ekki breytinga
13. Ég á erfitt með að skilja:
sumt fólk
14. Þú veist mér líkar vel við þig ef:
þú veist frekar ef mér líkar illa við þig, á oft mjög erfitt með að láta það ekki í ljós.
15. Fyrsta manneskjan sem eignaðist barn í þínum vinahóp er:
Kidda, fáir sem toppa hana

16. Farðu eftir ráðum mínum:
og þú munt verða rík og fræg á augabragði
17. Uppáhalds morgunmaturinn minn er:
safi eða súrmjólk með ávöxtum (nokkuð sem ég nenni aldrei að gera)
18. Afhverju myndir þú hata mig:
ég hata ekki neinn en mér er illa við suma fyrirverandi sénsa:)
19. Ég myndi stoppa mitt eigið brúðkaup ef:
ég væri að giftast konu

20. Heimurinn mætti alveg vera án:
jeppa
21. Ég myndi frekar sleikja svínsrass en að:
22. Bréfaklemmur eru nytsamlegri en:
sígarrettur
23. Ef ég geri e-ð vel, er það:
að finna upp á hlutum að gera þegar ég á að vera að læra
24. Myndir sem þú fellir tár yfir eru:
Love story

Andleysi

2006-05-08T18:11:00.000Z

hér á bæ ríkir algert andleysi
mér dettur ekkert sniðugt að blogga um

er ekki í prófum sem er fínt

vorið hefur alltaf þessi áhrif á mig í stað þess að fyllast eldmóði með hækkandi sól og hitastigi fyllist ég andleysi.

er aftur á leið í kópavoginn til að búa, ég hlakka rosalega til þess.
kannski er svo reisa um hvítasunnuhelgina

langar til að drekka aftur, er farin að sakna þess að vera blindfull og röflandi

Auður er á fullu í kosningabaráttu og Drífa er orðin hluti af hinni vinnandi stétt þannig ég þarf að fara að leita uppi fólk til að "læra" með mér á daginn

Vorið fer vonandi að verða búið

Draumaprinsar

2006-04-28T10:43:00.000Z

Ritgerðardruslunni var loksins skilað í gær, jei,jei,jei og til að fagna því ákvaðu veðurguðirnir að gefa mér yndislegt veður í dag, sól og hiti. Þar sem ég er svo örlát þá fáið þið hin líka að njóta þess þó að þið voruð ekki að skila af ykkur ritgerð.

Gærkveldinu var svo eytt með tveimur af draumaprinsum mínu. Þann fyrri sá ég að vísu bara í mýflugumynd en þann seinni, Adrien Brody sá ég aðeins meira af. King kong var ágætur líka en hann er fjarri því að komast inn á draumaprinsalistann.

Næsti höfðuverkur er svo sumardekkin. Þau eru einhver staðar í Hafnarfirðinu, í einhverri geymslu sem ég veit ekkert hvar er. Nóg leiðinleg finnst mér að þurfa að skipta um sumardekkin en að þurfa líka að leita að þeim, eykur bara leiðindin.

Stundum

2006-04-25T21:44:00.000Z

bara stundum

smella hlutirnir saman

án þess að ég geri nokkuð

til þess að það gerist

Hvað er framundan?

2006-04-20T00:51:00.000Z

heilmargt, sumt skemmtilegt sumt minna skemmtilegt, sumt sem ég veit að muni pottþétt gerast sumt sem ég vona að gerist

allavegana

eitt stykki ritgerð eftir, átti eftir að gera tvær en með eina lélega hendi ákvað ég að fresta annarri.

skila sex in the city, sería 6 og bíð spennt eftir að Sunna kaupi sér næstu seríu

verða frísk, lítur vel út en er samt ekki orðin það, verð að viðurkenna að ég er orðin pínu þreytt að bíða eftir því.

fara í grill í Bergsmárann á morgun

kannski fara til útlanda í sumar í sólina, vona, vona, vona að það muni gerast

hitta heimshornaflakkarann Laufey og hinar skvísurnar yfir kaffi og fá fullt, fullt af slúðri og masi

hætta á sterunum

byrja aftur að drekka, í september eru komin tvö ár, TVÖ ÁR, síðan ég drakk síðast

og síðast en ekki síst og það allra skemmtilegasta

hitta nýja frænda minn á morgun, orðin móðursystir aftur og er orðin mjög spennt að sjá litla krílið

Spil?

2006-04-11T14:20:00.000Z

Það stefnir allt í spilamaraþon um páskana. Mér líst vel á það ótrúlega langt síðan ég hef spilað kana og trival.

Uppljóstranir!

2006-04-09T19:30:00.000Z

• Ég er laumuaðdáandi NYLON. Hljómsveitir líkt og Nylon finnst mér alveg glataðar. Markaðsetning dauðans, útlitið og heildarmyndin skiptir öllu, meðlimir eru allar sætar, geta hreyft sig, koma vel fyrir o.sfrv. tónlistin sjálf er algjört aukaatriði. En þegar ég heyri lag með þeim, þá syng ég, humma með, skipti aldrei um rás ef ég ætti disk með þeim, myndi ég pottþétt hlusta á hann í bílnum og syngja með.

• Ég syng hástöfum þegar ég er ein að keyra og finnst það frekar mikið gaman.

• Ég hef ekki farið til tannlæknis í þrjú ár. Er reyndar að fara að panta mér tíma en ég kvíði fyrir þeirri heimsókn.

• Horfi alltaf reglulega á Leiðarljós

• Ég get verið svo pjöttuð að það hefur ollið mér vandræðum.

Jafnréttisgrýlan

2006-04-05T14:36:00.000Z

Einhvern tímann í síðustu viku var Víkverji (í morgunblaðinu) að lýsa áhyggjum sínum yfir því að sjaldan eða aldrei er gripið til aðgerða eða að Feministar láti í sér heyra þegar karlar verða fyrir kynjamisrétti. Kæri Víkverji ástæðan fyrir því er einföld. Karlar verða í fáum tilvikum fyrir kynjamisrétti. Í raun má segja að það séu einungis í tveimur tilvikum sem karlar verða fyrir kynjamisrétti, þ.e. í forræðismálum og fæðingarorlofi.

Konur aftur á móti líða fyrir kyn sitt á fleiri sviðum.
Sem dæmi má nefna

Launamisrétti
Kynbundinn launamunur, þ.e. þegar búið er að taka tillit til vinnutíma, aldurs, starfsaldurs, stéttar og menntunar, er 14%.

Skóli
Strákar fá að meðaltali 70% athyglinnar í tímum, stelpur fá rest.
Færri konur í doktorsprófi
Konur hafa færri tækifæri til að komast í prófessorstöður við Háskóla

Stjórnmál
Af sveitarstjórnarfulltrúum eru konur 30%
Af alþingsmönnum eru konur í minnihluta
Af formönnum stjórnmálaflokka er ein kona

þær vinna ólaunaða vinnu (heimilsstörf og barnastúss) í mun meira mæli en karlar, þær verða ekki stjórnarformenn, þær verða frekar fyrir heimilsofbeldi og svo framvegis.

Þetta er ástæðan fyrir því að lítið heyrist þegar hægt er að finna eitt og eitt tilvik þar sem karlar verða fyrir kynjamisrétti. Karlar verða bara svo miklu, miklu sjaldnar fyrir kynjamisrétti. Kynjamisrétti veldur því ekki að þeir fái lægri laun, verri stöður, verri atvinnutilboð, séu fastir heima yfir börnum og heimilsstörfum og svo mætti lengi halda áfram. En konur finna fyrir áhrifum kynjamisréttis á svo mörgum sviðum.

Þess vegna er eytt meira púðri í að auka hlut kvenna og vekja athygli á því misrétti sem þær eru svo oft beittar.

Í þeirri von um að kynjamisrétti muni heyra fortíðinni til.

....

2006-04-02T16:12:00.000Z

Heyrði í uppáhaldssímavini mínum í gær.

Sem var gaman, reyndar mjög gaman. Talaði mikið og hlustaði, ég held að hann sé einn af fáum sem getur talað mig í kaf. Og hló, hló svo mikið að ég fékk verki í magann.

Þegar ég var sem veikust var það oft í einu skiptin sem ég gat hlegið eitthvað af viti.

Ég vældi stundum óheyrilega mikið í honum, örugglega ekki það skemmtilegasta í heimi að hlusta á veikindaraus en hann lét sig hafa það. Leyfði mér að rausa og kom mér síðan til að hlæja.

Nú þarf ég að ekki að væla eins mikið, sem er gott. Vonandi kemur einhvern tíman að því að ég þurfi ekkert að rausa við hann.

Í sól og sumaryl

2006-03-30T18:13:00.000Z

Æðislegt veður í dag ég er komin í svo mikið sumarskap. Ég vona bara að þetta haldi svona. Ég er annars komin í svo mikinn sumarfíling að mig langar bara að fara að hanga í sundi, fara í grillveislur, labba Laugarveginn, fara í road trip og gera svona sumarhluti. Ég og vinkona mín röltum í miðbæinn í góða veðrinu og áttum hættulegar samræður um hvað það væri nú gott og gaman að reykja. Á tónleikunum hjá Groundfloor um síðustu helgi sem voru haldnir á reykmettuðu kaffihúsi þá gat ég ekki nefnt eina góða ástæðu fyrir að reykja ekki þegar ég labbaði út. Ég hugsa að ég þurfi að fara að minna mig af hverju ég hætti að reykja, af hverju ég vildi hætti reykja og af hverju ég vil frekar vera reyklaus en reykingarkona.